المسكوتشو تع الكسكاس

مساء الخير البنات لقيت وصفة في واحد لاباج هي المسكوتشو تع الكسكاس حبيت نفيدكم كيما استفدت انا جربتها اليوم و جات هايلة المقادير " فنجال حليب, فنجال سكر, 2 فنجال فرينة , 4 مغارف زيت , 1 خميرة , 1 بيض وشوية لافاني" تخلطي كلش وتحضري فناجل تدهنيهم بالزيت وتحطي مقدار 2 مغارف في كل فنجال تحطيهم في الكسكاس وتفوريهم كيما تفوري الطعام انا خليتهم مدة ساعة تقريبا ان شاء الله تستفيديو واللي عندها وصفة مليحة تحطهالنا
[IMG] تعليم_الجزائر