طرطة الليمون مبااااشرة من مطبخي

:biggrin::biggrin:
السلام عليكم
اريد تقديم طرطة الليمون tarte au citron
درتها مند ساعة لعيد ميلاد اختي و صورتها لكم
المقادير
العجينة
نعطيكم الكيلة تاع طرطة واحدة و انتم دوبليو ادا حبيتو تزيدو
1 حبة بيض
2 مغارف سكر
فنجان زيت
مغرفة قهوة خميرو حلويات و شيحي بالفرينة حتى تولي عجينة متماسكة(نفس العجينة لي كنت قدمتها في طرطة الفراولة)
قرصيها في المول و طيبيها ثم حضري الكريمة
الكريمة هي creme patissiere حبة بيض و 2 ملاعق سكر تخلطوهم بالخلاط مليح و تضيفيلهم النشاء 2 معارف اكل و خلطي بالباتور ثم سخني الحليب نصف لتر خلطيهلهم و حطيها فوق النار تعقد كي تعقد زيديلها le zeste de citron et le jus=
ثم حضري الميرانغ
4 بياض بيض
كاس سكر طلعي بياض البيض بالباتور وحدو كي يطلع ضيفيلو السكر بالتدريج مع الخفق

حطي الكريمة فوق العجينة ثم الميرانغ بla poche وردات انا ماعنديش درت بالمحقن (في بعض المناطق يسموه اللمبوط)
و دخليها مرة ثانية للفرن حتى يحمار الميرانغغغغغغغغغغغغ
و شهية طيبة
راهي وصفة سهلة ماش واعرة و ما تديش الوقت بزاف درتها في ساعة
ملاحظة
بالنسبة للاكريمة هناك كريمة اخرى ديرها امي في هده الطرطة و انا اليوم درت هاد الكريمة
ربع ل ماء و عصير 3 حبات قارص و 2 او 3 مغارف اكل سكر و 2 كغارف نشاء و مغرفة قهوة زبدة خلطيهم جيدا و حطيها فوق النار تعقد

هدا هو شكلها النهائي

with all my love