الوسم: الزوالي

ياللي تقرا فهاد لقصيدة
وحالك مشيان كي حالي
ارواح ساميني يا حبيبي
معايا انت قدرك عالي
اقعد نشكيو همومنا
واش صارينا فالليالي
التعب والهم والزلط
داري بيه غير الفوقاني
توجور دايرين النية
ونمشيو غير بالقلب الصافي
نصيحة مني ليك سمي واستغفر
واللي كاتبو ربي كون بيه راضي
حطها في جيبك حتى ولو تخسر
ما راح تخسر غير الدنيا هادي
واللي ظلمك ودار فيك الشر
يعيا ويخلصها بالغالي