الوسم: الحرشة

بسم الله الرحمن الرحيم
هي أمي لعلمتهالي ربي يخليهالي ..قولي آمين
فالحق عمرني كليت كخبزها ولا كحرشتها ربي يعطيها الصحة .. قولي آمين
المقادير
2غرفيات سميد رفيع اي رقيق
الزيت +الزبدة المدوبة على حساب ما يتشرب السميد
غرفية ماء دافئ +الملح ودوقي راني علمتك هههه

الطريقة
نبسس لسميد بالزيت والزبدة المدابة حتى تشوفيه تشرب مزيان ويعود مرمل تزيدي عليه الماء المملح وتخلطي بأطراف أصابعك حتى تتشكل عجينة متماسكة نرش القراصة بالسميد ونقرصها تم نرميها فالطاجين تاع الحديد الغليض المسخن مسبقا ندعها ل 5دقائق تم نخفف النار وندعها تطهى على مهلها ونقلبها ونحركها مرة على مرة
ملاحظة هامة
إياك والدلك ما تدلكيهش لكي يبقى هش
بالصحة والراحة
الصورة